ლუდის გემოს აღქმისთვის მისი ტემპერატურა ძალიან მნიშვნელოვანია. ამბობენ, რომ ლუდისთვის იდეალური ტემპერატურა 4-6 გრადუსია. მაგრამ ყოველდღიურ ცხოვრებაში ჩვენ არ გვაქვს შესაძლებლობა, გავიგოთ, როდის მიაღწია ლუდის ტემპერატურამ სასურველ დონეს. ამიტომ ამ ზაფხულს ნატახტარის ეტიკეტზე თერმოქრომული ტექნოლოგიის გამოყენებით შექმნილ თერმომეტრის ნიშანს აღმოაჩენთ.

თერმომეტრი სიცივისადმი მგრძნობიარეა და მისი დახმარებით მომხმარებელი მარტივად მიხვდება, როდის არის ლუდი იდეალურად ჩაცივებული. როცა თერმომეტრი ლურჯ ფერს იღებს, ეს ნიშნავს, რომ ლუდი იდეალურად ცივია, ანუ 4-6 გრადუსს აღწევს.

სწორედ ასე გამოიყურება ლუდი ჩაცივებამდე და ჩაცივების შემდეგ:

ქართული ლუდის ბაზარზე ნატახტარი პირველია, რომელიც თერმოქრომულ ეტიკეტს იყენებს.

"ჩვენ ვუსმენთ მომხმარებელს გულისყურით, რათა გავიგოთ, რა სჭირდება მას. ეს არის ჩვენი მიდგომა. არა მხოლოდ ვუსმენთ, არამედ წინასწარ განვჭვრეტთ იმ საჭიროებებს, რაც მას გააჩნია. ამ ზაფხულს ჩვენს მომხმარებლებს გაგრილება და ჩაცივებული ლუდი სჭირდებათ. ჩვენ კი დავეხმარეთ ლუდის მოყვარულებს, ნატახტარი სწორ ტემპერატურაზე მოიხმარონ და მისი გემო სრულყოფილად შეიგრძნონ. ამასთან, ეს დამატებითი ფუნქცია უფრო სახალისოს ხდის ლუდის დალევის რიტუალს", — აღნიშნავს ეფეს საქართველოს მარკეტინგის მენეჯერი ანა ქარჩავა.

"წელს ყველასთვის რთული წელია და ვფიქრობ, ბრენდებმა უფრო მეტი დრო უნდა დაუთმონ იმაზე ფიქრს, თუ რას არგებენ ისინი მომხმარებელს. დღესდღეობით ტექნოლოგია და ინოვაცია ჩვენს ყოველდღიურ ცხოვრებაში უფრო მეტად არის ინტეგრირებული ყველა სექტორში, და რატომ არ უნდა ყოფილიყო ლუდში? ჩვენ გავაგრძელებთ ინვესტირებას ჩვენი მომხმარებლების ზრუნვისთვის, რაც ჩვენი კომპანიის კულტურის ნაწილია. ელოდეთ სიახლეებს!" — დაამატა ანა ქარჩავამ.