რა არის შეჩერების მექანიზმი?

შეჩერების გამარტივებული მექანიზმის ამოქმედება ევროკავშირის წევრ ქვეყნებში, საჭიროების შემთხვევაში, ჭარბ მიგრაციულ ნაკადებს შეაჩერებს. იგი საშუალებას აძლევს წევრ ქვეყნებს, რომ ევროკომისიას მოთხოვოს დროებით შეაჩეროს უვიზო მიმოსვლა იმ ქვეყნისთვის:

  • საიდანაც მკვეთრად გაიზრდება არალეგალი მიგრანტების რაოდენობა;
  • გაიზრდება თავშესაფრის მოთხოვნები;
  • თუკი საქართველო არ ითანამშრომლებს მიგრანტების უკან დაბრუნებაზე.

ევროკავშირის განცხადებით, შეჩერების მექანიზმი არის "აუცილებელი" და საქართველო ვერ მიიღებს სავიზო ლიბერალიზაციას მის ამოქმედების გარეშე.

როგორ მუშაობს შეჩერების მექანიზმი?

კანონპროექტის თანახმად, როგორც წევრ ქვეყნებს, ასევე კომისიას, შესაძლებლობა ექნებათ, აამოქმედონ შეჩერების მექანიზმი. კომისიას მონიტორინგის ფუნქცია ექნება და საბჭოსა და პარლამენტს ინფორმაციას მიაწვდის იმაზე, კვლავ აკმაყოფილებენ თუ არა უვიზოდ მიმოსვლით მოსარგებლე ქვეყნები მათ კრიტერიუმებს, ისეთს მაგალითად, როგორიცაა ადამიანის უფლებების პატივისცემა.

კონკრეტული წევრი ქვეყნისგან მიღებული მოთხოვნის შემდეგ, ან შეიძლება მოთხოვნა წევრი ქვეყნების უბრალო უმრავლესობამაც წარადგინოს, კომისიას ექნება ერთი თვე იმის გადასაწყვეტად, რომ 9 თვით შეუჩეროს ქვეყანას უვიზო მიმოსვლა. გადაწყვეტილება ავტომატურად შევა ძალაში.

შეჩერების პერიოდში, კომისია უნდა ეცადოს კონკრეტულ ქვეყანასთან თანამშრომლობით გამოასწოროს ის პრობლემები, რამაც განაპირობა შეჩერების მექანიზმის ამოქმედება.

შეჩერების პერიოდის გახანგრძლივება

თუკი კონკრეტული ქვეყნისთვის სიტუაცია არ გამოსწორდება, კომისიამ 9თვიანი პერიოდის ამოწურვამდე 2 თვით ადრე უნდა წარადგინოს წინადადება შეჩერების პერიოდის კიდევ დამატებით 18 თვით გახანგრძლივების შესახებ. მიუხედავად ამისა, ევროპარლამენტარებსა და წევრ ქვეყნებს შეუძლიათ არ დაეთანხმონ ამ გადაწყვეტილებას.

კომისიას ასევე შეუძლია წარმოადგინოს საკანონმდებლო წინადადება იმის შესახებ, რომ ვიზალიბერალიზაციის მქონე ქვეყანა გადავიდეს იმ ქვეყანათა სიაში, რომელთაც არ აქვთ იგი მინიჭებული.

შეჩერების მექანიზმი არ ეხება დიდ ბრიტანეთსა და ირლანდიას (ვიზების ლიბერალიზაცია ამ ქვეყნებში უვიზო მიმოსვლას არ ითვალისწინებს).