განათლების მინისტრის მოადგილის, ეკა დგებუაძის თქმით, დღევანდელი ეპიდემიოლოგიური ვითარება იმის თქმის საშუალებას იძლევა, რომ სწავლა 15 სექტემბერს, საკლასო ოთახებში დაიწყება. მისი თქმით, განათლების სამინისტრო ჯანდაცვის სამინისტროსა და დაავადებათა კონტროლისა და საზოგადოებრივი ჯანმრთელობის ცენტრთან მუდმივ კოორდინაციაშია.

როგორც დგებუაძე ამბობს, ჯანდაცვის სფეროს რეკომენდაციებს აუცილებლად გავითვალისწინებენ, თუმცა საბოლოოდ ყველაფერი მაინც სექტემბრისთვი არსებულ ეპიდვითარებაზე იქნება დამოკიდებული.

"დღევანდელი ეპიდემიოლოგიური ვითარება გვაძლევს იმის თქმის საშუალებას, რომ სწავლა 15 სექტემბერს, საკლასო ოთახებში დაიწყება. საქართველოს განათლების, მეცნიერების, კულტურისა და სპორტის სამინისტრო მოსწავლეებს დაახვედრებს მაქსიმალურად უსაფრთხო სასკოლო გარემოს", — განაცხადა დგებუაძემ.