ხარაგაულის მუნიციპალიტეტის მერი ნიკოლოზ თოფურიძე თანამდებობას ტოვებს. მისი თქმით, ქართულ ოცნებაში რჩება და მათთან ერთად მუშაობას აგრძელებს. ამის შესახებ თოფურიძემ ფეისბუქგვერდზე დაპოსტა.

თოფურიძე განმარტავს, რომ წასვლის გადაწყვეტილება რამდენიმე თვით ადრე მიიღო, მაგრამ თანამდებობას "გუბერნატორისა და გუნდის თხოვნითა" და კორონავირუსის პანდემიისგან შექმნილი ვითრების გამო ინარჩუნებდა.

"მე დღეს თანამდებობიდან წასვლის შესახებ განცხადებით მივმართავ ხარაგაულის საკრებულოს, ჩემს მოვალეობას კი ჩემი მოადგილე თეიმურაზ ჩხეიძე შეასრულებს.

მადლობას გიხდით ნდობისთვის და საერთო საქმისთვის საჭირო თანადგომისთვის, გჯეროდეთ, ხარაგაულზე და ხარაგაულელებზე ჩემი ფიქრი აქ და ამით არ მთავრდებ", — დაწერა მან.

ნიკოლოზ თოფურიძე ხარაგაულის მუნიციპალიტეტის მერია 2017 წლის ნოემბრიდან.