ბათუმის ბულვარში 17 წლის ბიჭი დაჭრეს. შემთხვევა დღეს, 9 ივლისს მოხდა. ამის შესახებ ინფორმაცია On.ge-ს შსს-ში დაუდასტურეს.

შემთხვევის შესახებ ადგილობრივი გამოცემა ბათუმელები წერს, რომ ბიჭი სასწრაფო სამედიცინო დახმარების ჯგუფმა გადაიყვანა კლინიკაში. მათივე ცნობით, დაშავებულს მუცლის წინა კედლის შემავალი ღია ჭრილობები აქვს.

შინაგან საქმეთა სამინისტროში საქმეზე გამოძიება სისხლის სამართლის კოდექსის 117-ე მუხლით მიმდინარეობს, რაც ჯანმრთელობის განზრახ მძიმე დაზიანებას გულისხმობს.