სამეგრელოში 43 წლის კაცი მოკლეს. ინფორმაცია On.ge-ს შინაგან საქმეთა სამინისტროში დაუდასტურეს.

ექიმის განცხადებით, კაცი უგონო მდგომარეობაში შეიყვანეს, მრავლობითი ტრავმული დაზიანებებით, რომლებიც სიცოცხლესთან შეუთავსებელი იყო. მისი თქმით, რეანიმაციული ღონისძიებების მიუხედავად, პაციენტი გარდაიცვალა.

მომხდარზე გამოძიება სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს. ამ მუხლით გათვალისწინებული დანაშაული ისჯება თავისუფლების აღკვეთით ვადით შვიდიდან თხუთმეტ წლამდე, იარაღთან დაკავშირებული უფლებების შეზღუდვით ან უამისოდ.