აშშ-ში, მისისიპის შტატის დროშიდან კონფედერაციის ემბლემის ამოღებას მხარი დაუჭირეს. აღნიშნულ ცვლილებას შტატის საკანონმდებლო ორგანოში კანონმდებლებმა 28 ივნისს უყარეს კენჭი.

მისისიპი ბოლო შტატია, რომელსაც კონფედერაციის სიმბოლო აქვს დროშაზე. კონფედერაციის ემბლემას ბევრი რასისტულად განიხილავს, ხოლო ჯორჯ ფლოიდის გარდაცვალების გამო დაწყებულმა პროტესტმა, კიდევ ერთხელ წამოჭრა დებატები მის გამოყენებასთან დაკავშირებით.

თავდაპირველად კონფედერაციის დროშა გამოიყენებოდა იმ შტატების მიერ, რომლებიც მონობას უჭერდნენ მხარს და 1861-65 წლების სამოქალაქო ომი წააგეს.

შტატის გუბერნატორმა ტეიტ რივზმა განაცხადა, რომ პროექტს ხელს მოაწერდა, თუ მას კანონმდებლები დაუჭერდნენ მხარს. ამასთან, მოსალოდნელია, რომ შეიქმნება კომისია, რომელიც ახალი დროშის დიზაინს შექმნის.