საკონსტიტუციო სასამართლომ 2016 წლის 1 დეკემბერს ორი ახალი, Toyota Rav4 prestige შეიძინა. ხელშეკრულების ღირებულება 139 700 ლარია.

ხელშეკრულების მიხედვით, ტოიტა ცენტრი – თეგეტა ვალდებულია, სასამართლოს ორი ახალი ავტომობილი მიმდინარე წლის 15 დეკემბრამდე მიაწოდოს.

საკონსტიტუციო სასამართლომ ახალი, კომფორტული ავტომობილები კონკურენტული ტენდერის გარეშე, პირდაპირი მიყიდვის წესით იყიდა.

როგორც ხელშეკრულებაში წერია, სასამართლო ავტომობილის მიმწოდებელს გადაუხდის 111 700 ლარს ნაღდი ფულის სახით, ხოლო დანარჩენი თანხა, 28 ათასი ლარი, ჩანაცვლდება საკონსტიტუციო სასამართლოს ბალანსზე არსებული 2 ავტომობილით. კერძოდ, Mercedess Benz S500-ის ღირებულება არის 25 ათასი ლარი, ხოლო Volkswagen Passat-ის – 3 ათასი ლარის.

საქართველოს საკონსტიტუციო სასამართლოში თავმჯდომარე და რამდენიმე მოსამართლე მიმდინარე წელს შეიცვალა.

2016 წლის 20 ოქტომბერს საკონსტიტუციო სასამართლოს პლენუმმა თავმჯდომარის პოსტზე აირჩია ზაზა თავაძე.