საკონსტიტუციო სასამართლოს ახალი თანმჯდომარე მოსამართლე ზაზა თავაძე გახდა. მას პლენუმის ხუთმა მოსამართლემ დაუჭირა მხარი.

საკონსტიტუციო სასამართლოს თავმჯდომარედ ის 3 წლითა და 7 თვით დაინიშნება, რადგან ზაზა თავაძის უფლებამოსილების 10 წლიანი ვადის ათვლა 2010 წლის 15 ივნისს დაიწყო.

კენჭისყრა და სხდომა ფარული იყო ამიტომ უცნობია იმ მოსამართლეების ვინაობა, რომლებმაც მხარი დაუჭირეს თავმჯდომარეობის კანდიდატებს.

ზაზა თავაძე ყოფილი თავმჯდომარის გიორგი პაპუაშვილის მოადგილე იყო. იგი ამ დრომდე თავმჯდომარის მოვალეობის შემსრულებელი იყო.

ზაზა თავაძემ დაამთავრა საქართველოს ღია ჰუმანიტარული ინსტიტუტი სამართალმცოდნეობის სპეციალობით და მიენიჭა იურისტის კვალიფიკაცია 1996 წელს. 2004 წელს, წარმატებით ჩააბარა პროკურატურის მუშაკთა საკვალიფიკაციო გამოცდა.

თავმჯდომარეობის მეორე კანდიდატი იყო ირინა იმერლიშვილი. იმისათვის, რომ წარმოდგენილი კანდიდატიდან ერთ-ერთი საკონსტიტუციო სასამართლოს თავმჯდომარე გამხდარიყო, მას პლენუმის მინიმუმ 5 წევრის მხარდაჭერა ესაჭიროება.