საქართველოში ამერიკის საელჩოს ინფორმაციით, სახელმწიფო უსაფრთხოების სამსახურს მაღალტექნოლოგიური აღჭურვილობა გადასცეს. საელჩოს თავდაცვის საფრთხის შემცირების სააგენტო, ქართველ პარტნიორებს ამავე აღჭურვილობის ეფექტურად გამოყენებისთვის სპეციალურ ტრენინგსაც ჩაუტარებს.

"საქართველოს სახელმწიფო უსაფრთხოების სამსახურის (სუს) სპეციალურ ქვედანაყოფს, რომელიც პასუხისმგებელია საქართველოს მასობრივი განადგურების იარაღისგან დაცვაში, გადავეცით მაღალტექნოლოგიური აღჭურვილობა. ტექნოლოგიების გამოყენება დაეხმარება ქვედანაყოფს, აღმოაჩინოს და უპასუხოს ასაფეთქებელ, ქიმიურ, ბიოლოგიურ, რადიოლოგიურ და ბირთვულ საფრთხეებს", — წერია საელჩოს განცხადებაში.