სახელმწიფო უსაფრთხოების სამსახურის განცხადებით, ჩვილის 5 000 დოლარად გაყიდვის ბრალდებით სამი პირი, მათ შორის მშობლები დააკავეს. გამოძიების ინფორმაციით, ჩვილი 2020 წლის 18 ივნისს დაიბადა.

როგორც უწყებაში აცხადებენ, მშობლები დაუკავშირდნენ პირს, რომელსაც შეუთანხმდნენ, რომ 5 000 აშშ დოლარის სანაცვლოდ შვილს მიყიდდნენ. გამოძიების მტკიცებით, აღნიშნული პირი სამოქალაქო რეესტრში ახალშობილის მამად დარეგისტრირდა და დაბადების მოწმობა აიღო. სამართალდამცავებმა სამივე პირი ფულის გადაცემის დროს დააკავეს.

გამოძიება, არასრულწლოვნის მიმართ უკანონო გარიგების ფაქტზე მიმდინარეობს, რაც სასჯელის სახით ორიდან ხუთ წლამდე ვადით თავისუფლების აღკვეთას ითვალისწინებს.