მეორე მსოფლიო ომის 80-მდე ვეტერანი, რომლებიც რუსეთის პრეზიდენტ ვლადიმერ პუტინთან ერთად აღლუმს უნდა დაესწრონ იზოლაციაში გაუშვეს. ინფორმაციას ამის შესახებ ორი მაღალჩინოსანზე დაყრდნობით Bloomberg ავრცელებს.

კორონავირუსის პანდემიის გამო აღლუმი 9 მაისს ვეღარ ჩატარდა და ის 24 ივნისისთვის გადაიტანეს. ამ დღეს მეორე მსოფლიო ომში გამარჯვების 75 წლისთავი უნდა აღნიშნონ.

ღონისძიების გეგმის თანახმად, წითელ მოედანზე მოწყობილ ტრიბუნაზე პუტინი ვეტერანებთან ერთად იქნება. როგორც გამოცემა წერს, მათი იზოლაციის გადაწყვეტილება უკავშირდება მკაცრ ზომებს, რომელიც კორონავირუსისგან პუტინის დაცვას ითვალისწინებს. Bloomberg-მა კომენტარის გაკეთება კრემლის პრესსპიკერისგან, დიმიტრი პესკოვისგანაც ითხოვა, თუმცა მან კითხვას არ უპასუხა.