ინფექციური საავადმყოფოს სამედიცინო დირექტორის, მარიანა ეზუგბაიას თქმით, ბოლო 24 საათში დადასტურებული 9 შემთხვევიდან 1-ის წყარო ჯერ ვერ დგინდება. მისი თქმით, ბოლო ორ დღეში ეს უკვე მეხუთე პაციენტია, რომლის წყაროც არ იციან.

"იცით თქვენ, გუშინ იყო ასეთი 4 შემთხვევა და 1 დაგვემატა. გუშინაც განვმარტე, ასეთი მარტივი არ არის, როდესაც წყარო უცნობია, მიდის ჩაღრმავებული კვლევები, ყველა მათი კონტაქტების მოძიება, კონტაქტების გამოკვლევა, ამ კონტაქტებში თუ იქნება დადასტურებული შემთხვევა და მათი კიდევ კონტაქტები, ანუ საკმაოდ შრომატევადი და ცოტა ხანგრძლივი პროცესია, მაგრამ ყველა ასეთი შემთხვევა საბოლოო ჯამში კარგად დასრულდა", — თქვა მარინა ეზუგბაიამ.

ეზუგბაიამ თქვა, რომ ახალი 9 პაციენტიდან 3 სამედიცინო პერსონალია, 3 საკარანტინო ზონიდანაა შემოტანილი, 2 დადასტურებულ შემთხვევასთან კონტაქტია, ხოლო 1 ის წყარო დაუდგენელია.

საქართველოში დადასტურებული შემთხვევები დღეს, 12 ივნისს 6-ით გაიზარდა და 837 გახდა, მათგან გამოჯანმრთელებულია 697 ადამიანი, ხოლო გარდაცვლილია 13. კარანტინის რეჟიმში 3 213 ადამიანი რჩება, ხოლო სტაციონარში მეთვალყურეობის ქვეშ — 303.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: