ეკონომიკის მინისტრის, ნათია თურნავას თქმით, არ ესმის Stopcov ფონდთან დაკავშირებით ოპოზიციის მოუთმენლობა, რომ ყველა რესურსი ერთბაშად გამოიყენონ. ამ თემაზე მან იმედის ეთერში ისაუბრა.

"საერთოდ არ მესმის ეს მოუთმენლობა, რითიც ელოდებიან, რომ ყველა რესურსი ერთბაშად ამოვწუროთ, ეს საერთოდ დესტრუქციული, არაჯანსაღი მოლოდინია და აჟიოტაჟი. რეალურად, ჩვენ ვართ პასუხისმგებლიანი მთავრობა, თითოეული ჩვენი ნაბიჯი, თითოეული ჩვენი დაპირება უნდა იყოს გამყარებული ფინანსური რესურსით", — თქვა ნათია თურნავამ.

ეკონომიკის მინისტრმა აღნიშნა, რომ დღეს შიდა რესურსი და დონორებისგან მოზიდული თანხები საკმარისია დაპირებების შესასრულებლად. მისი განმარტებით, ქვეყანას უნდა ჰქონდეს "ოქროს რეზერვი", რომელიც კოვიდთან ბრძოლის ფონდი წარმოადგენს.