ქუთაისში ცოტა ხნის წინ გახსნილმა ინტენსიური განათლების ცენტრმა, თბილისის შავი ზღვის საერთაშორისო უნივერსიტეტთან მემორანდუმი გააფორმა, რომელიც იმ აბიტურიენტებს, რომლებიც აღნიშნულ ცენტრში ემზადებიან და შზსუ-ს ანიჭებენ უპირატესობას, გარკვეული შეღავათებით ისარგებლებენ.

ინტენსიური განათლების ცენტრის იმ მსმენელთათვის, რომლებსაც გადაწყვეტილი აქვთ უმაღლესი განათლება მიიღონ შავი ზღვის საერთაშორისო უნივერსიტეტში და შესაბამისად, ერთიანი ეროვნული გამოცდებისათვის რეგისტრაციისას სწორედ ამ უნივერსიტეტს ანიჭებენ პირველ ადგილს, კანონმდებლობით დადგენილი წესით ჩარიცხვის შემთხვევაში, გარკვეული ფასდაკლების სისტემის ამოქმედდება.

ამას გარდა, მხარეები ითანამშრომლებენ ერთმანეთთან საგანმანათლებლო, პროფესიული და სამეცნიერო-კვლევითი მიმართულებით, განახორციელებენ ერთობლივ ღონისძიებებს, მათ შორის შეხვედრებს, სემინარებს, კონფერენციებს, სამეცნიერო ოლიმპიადებსა და ტურებს.

საგანმანათლებლო ცენტრის სტუდენტები შზსუ-ის სასწავლო პროგრამების, სამეცნიერო ღონისძიებების და სხვადასხვა აქტივობის შესახებ ინფორმაციებს მიიღებენ.

ფოტო: ინტენსიური განათლების ცენტრი

ურთიერთანამშრომლობის მემორანდუმი 2016 წლის 25 ნოემბერს გაფორმდა, რომელსაც, შავი ზღვის საერთაშორისო უნივერსიტეტიის რექტორი, ილია ჩილოღლუ და ინტენსიური განათლების ცენტრის დირექტორი, ზაზა ლეკვეიშვილი, აწერენ ხელს.