მსოფლიო ჯანდაცვის ორგანიზაციის (WHO) დირექტორის, ტედროს ედჰენო გებრეიესუსმა ორშაბათს იმედი გამოთქვა, რომ ამერიკის პრეზიდენტი, დონალდ ტრამპი ორგანიზაციასთან ურთიერთობას არ შეწყვეტს. ამის შესახებ ინფორმაციას CNN ავრცელებს.

WHO-ს დირექტორის თქმით, მსოფლიო დიდ სარგებელს იღებს ამერიკის მთავრობისა და ხალხის კოლაბორაციით.

"აშშ-ს მთავრობა და მისი ხალხის ღვაწლი და კეთილგანწყობა გლობალური ჯანმრთელობის მიმართ მრავალი ათეული წლის განმავლობაში იყო უზარმაზარი და მან დიდი წვლილი შეიტანა საზოგადოებრივ ჯანმრთელობაში მთელს მსოფლიოს გარშემო. WHO-ს სურვილია, რომ ეს თანამშრომლობა გაგრძელდეს", — თქვა ტედროსმა.

პარასკევს დონალდ ტრამპმა განაცხადა, რომ აშშ ჯანდაცვის მსოფლიო ორგანიზაციიდან გამოდის და მათ დაფინანსებას წყვეტს. ტრამპის განცხადებით, WHO-სთვის განკუთვნილ დაფინანსებას სხვა ორგანიზაციებზე გადაანაწილებენ. აშშ ორგანიზაციაში ერთ-ერთი ყველაზე მსხვილი შემტანი იყო. წინა წელს ჯანმოს ფინანსები 15 პროცენტი სწორედ მასზე მოდიოდა.