ბრიტანეთში მარტის დასასრულის შემდეგ კორონავირუსის ახალი შემთხვევებისა და სიკვდილიანობის რაოდენობის ყველაზე დაბალი მაჩვენებელი დაფიქსირდა. ამის შესახებ ინფორმაციას CNN ავრცელებს.

ბრიტანეთის ჯანდაცვის მდივანის, მეთ ჰენკოკის განცხადებით, ქვეყანაში კორონავირუსით გარდაცვალების 119 ახალი შემთხვევა გამოვლინდა, რაც 23 მარტის შემდეგ ყველაზე დაბალი მაჩვენებელია. ვირუსი დამატებით 1 570 ადამიანს დაუდასტურდა, რაც, ასვე, ყველაზე დაბალი მატებაა.

ჰენკოკის განცხადებით, ბრიტანეთში კორონავირუსით დაღუპულთა საერთო რაოდენობა 39 045-ს შეადგენს. ვირუსის დაწყებიდან ბრიტანეთში 4,8 მილიონი ტესტი ჩატარდა, მათ შორის 128,437 კვირას. "ვისაც ტესტი სჭირდება მიიღებს", — განაცხადა მდივანმა.

ჰენკოკის თქმით, შეზღუდვების მოხსნა ეტაპობრივად მოხდება, თუმცა სოციალური დისტანციის დაცვა ისევ მნიშვნელოვანია.