ბაქო-თბილისი-ყარსის რკინიგზის მშენებლობა სავარაუდოდ 2016 წლის ბოლომდე ვერ დასრულდება და 2017 წლის რამდენიმე თვეს გასტანს. ინფორმაციას აზერბაიჯანული მედია ავრცელებს.

რკინიგზის მშენებლობა საქართველოსა და აზერბაიჯანის ტერიტორიებზე დასრულებულია. აზერბაიჯანის რკინიგზის (ADY) თავჯდომარემ, ჯავიდ გურბანოვმა, წინა თვეში განაცხადა, რომ პროექტი 2016 წლის ბოლომდე დასრულდებოდა, თუმცა რამდენიმე დღის წინ მან თქვა, რომ პროექტი შეიძლება 2017 წელსაც გაგრძელდეს.

ბაქო თბილისი ყარსის რკინიგზა ახალი დერეფანი იქნება, რომელიც აზერბაიჯანს, საქართველოსა და თურქეთს სარკინიგზო მაგისტრალით დააკავშირებს. პროექტი ასევე გახსნის ჩრდილო-სამხრეთ დერეფანს რუსეთიდან თურქეთის მიმართულებით.

ბაქო-თბილისი-ყარსის რკინიგზას შეუძლია მნიშვნელოვნად შეამციროს ტრანზიტის ხანგრძლივობა ევროპასა და ჩინეთს შორის.

ბაქო-თბილისი-ყარსის სარკინიგზო მაგისტრალის მშენებლობას საფუძველი აზერბაიჯანის პრეზიდენტის ილჰამ ალიევის ინიციატივით ჩაეყარა. პროექტის განხორციელება კი საქართველომ, აზერბაიჯანმა და თურქეთმა 2007 წელს დაიწყეს.