იუსტიციის მინისტრის, თეა წულუკიანის თქმით, დღეს გაუმყარდა ეჭვი, რომ ოპოზიცია ქვეყნის კორონავირუსთან დამარცხებას ელოდა.

მისი თქმით, ოპოზიცია ნატრობდა, რომ კორონათი დაზიანებული ხალხი ხელისუფლებას შემოუტრიალდებოდა.

"ჩვენ ვიხილეთ საკმაოდ იმედგაცრუებული ოპოზიციური ფლანგი. მე პირადად მქონდა ეჭვი, რომელიც დღეს დამიდასტურდა. ეჭვი მქონდა იმასთან დაკავშირებით, რომ მათ ჰქონდათ მოლოდინი, რომ კორონა აჯობებდა ქვეყანას და დღეს იყვნენ აბსოლუტურად იმედგაცრუებულები, რომ ეს ასე არ მოხდა. მათ ჰქონდათ ნატვრა, რომ კორონათი დაზიანებული ქართველი ხალხი შემოუტრიალდებოდა საკუთარ ხელისუფლებას და ამით იხეირებდნენ. ეს არ მოხდა. იყვნენ ძალიან მძიმედ", — განაცხადა წულუკიანმა.