ვანისა და ბაღდათის მიტროპოლიტი ანტონი საგამოძიებო ჯგუფის შექმნასა და ეკლესიის მიმართ კრიტიკულად განწყობილი ადამიანების სიის შედგენას აპირებს.

მისი თქმით, ადამიანები, რომლებიც ევროპული ღირებულებების დამცველად თვლიან თავს, ეკლესიას მტრობენ.

სასულიერო პირის განმარტავებით, მის მიერ გაჟღერებული ანტიდასავლური გზავნილები იმის ბრალია, რომ ღირებულებები "გრამატიკულად" ვერ გამიჯნა.

"მე ვიცი რა ვთქვი, თქმას გაგებაც უნდა. მე ჩემი მენტალიტეტით, სადღაც, ალბათ, გრამატიკულად ვერ გვამიჯნე რა — ღირებულებები. როდესაც ვთქვი, რომ გადასიჯნვაა, ეს ღირებულებები, რომლებიც მტრულად არის განწყობილი. მე, როდესაც მოვევლინები და ვამბობ, ევროპული ღირებულებები არის კარგი, ვეღარ ვიცავ. იმიტომ, რომ ეს ადამიანები, რომლებიც 24 საათი ეკლესიას ლანძღავენ, ყველაფერს ნეგატივს ეძებენ... უკვე ვეღარ ვიცავ, ამათმა დატოვეს ისეთი სახე. თან ამავე დროს ეს ადამიანები მოგვევლინებიან ევროპული ღირებულებების დამცველად. შემდეგში შევქმნი გამოძიების ჯგუფს, ან საპატრიარქოსთან არსებულს, ან იმას, რომ ყველა ჩავიწერო, ვინ არის ესენი, სახელი და გვარებით — გარკვეული ნაწილი ოპოზიციის, მტრულად განწყობილი მედიის ნაწილი, არასამთავრობოები...", — განაცხადა მეუფე ანტონმა TV პირველის ეთერში.