ფილმებისა და სერიალების მაყურებლებს არაერთი ანტაგონისტი ახსოვთ, რომლებიც თავიანთი იდეებითა და ქმედებებით სძენენ სწორედ სიუჟეტს მთავარ ხიბლს: ისინი ქმნიან წინააღმდეგობას, რომელიც დადებითმა პერსონაჟებმა უნდა დაძლიონ.

მსგავს ისტორიებში ხშირად ბოროტებას კაცი პერსონაჟების სახით ვაწყდებით, თუმცა კინოსა თუ სატელევიზო სამყაროს არაერთი ბოროტმოქმედი ქალი ახსოვს, რომელმაც მაყურებლებს თავი განსაკუთრებულად დაამახსოვრა.

ახლა სწორედ ასეთი გამორჩეული ანტიგმირების შესახებ გიამბობთ, რომლებმაც მაყურებლების დიდ ნაწილში სიყვარული თუ არა, პატივისცემა მაინც გამოიწვია, როგორც სახასიათო და ძლიერმა პერსონაჟმა.

1. სერსეი ლანისტერი სერიალიდან Game Of Thrones

ფოტო: HBO

HBO-ს ეს ცნობილი სერიალი ერთმანეთზე უფრო საინტერესო, ძლიერ, საშიშ და სიურპრიზებით სავსე პიროვნული თვისებების მქონე პერსონაჟებს აერთიანებს, თუმცა სერსეი ლანისტერმა შეძლო, რომ თავისი სასტიკი ბუნების მიუხედავადაც კი, უამრავი მაყურებლის გამორჩეული სიმპათია დაემსახურებინა.

2. ბელატრის ლესტრეინჯი ჰარი პოტერის ფილმებიდან

ფოტო: Warner Bros.

ჰელენა ბონემ კარტერმა მოახერხა, მეორეხარისხოვანი როლით ისეთი სახასიათო პერსონაჟი შეექმნა, რომ ის ამ ცნობილი ფილმების სერიის ყველა მაყურებელს დამახსოვრებოდა.

3. მირანდა პრისტლი ფილმიდან Devil Wears Prada

ფოტო: 20th Century Fox

მირანდა პრისტლი არც ბოროტი ჯადოქარია და არც სამყაროს განადგურება სურს, მეტიც, ის პრესტიჟული ჟურნალის რედაქტორია და გავლენიან პიროვნებადაც ითვლება, თუმცა საკმარისია დაუნდობელი უფროსი იყო, რომ ჯოჯოხეთში ასეთივე პრესტიჟულად დაუნდობელი ადგილის დამსახურებულად დაკავება გისურვონ.

4. მალეფისენტი

ფოტო: Disney

ამ ფილმის გამოსვლამდე ვერავინ იტყოდა, რომ მძინარე მზეთუნახავის მანამდე ცნობილ ზღაპარში ბოროტ დედოფალს თანაუგრძნობდა, თუმცა ანჯელინა ჯოლიმ მალეფისენტის როლით ამ გმირის აქამდე უცნობი ისტორია მოგვითხრო და მისი სრულიად სხვა მხარე გვაჩვენა.

5. ო-რენ იში ფილმიდან Kill Bill

ფოტო: Miramax Films

კვენტინ ტარანტინომ თავის ამ საკულტო ფილმში არაერთი დაუვიწყარი პერსონაჟი შექმნა, მათ შორის კი უმა თურმანის გვერდით ლუსი ლუს შესრულება ნამდვილად ყველაზე გამორჩეული იყო.

6. ვილანელი სერიალიდან Killing Eve

ფოტო: BBC

სატელევიზიო შოუების ისტორიაში ვილანელი ნამდვილად ერთ-ერთი ყველაზე ცივსისხლიანი პერსონაჟია, რომელიც საყვარელ ადამიანსაც კი უყოყმანოდ გამოასალმებს სიცოცხლეს, თუმცა თავისი განსაკუთრებული იუმორის გრძნობით სიძულვილს ყველაზე ნაკლებად იწვევს.

თანაც ის ერთ-ერთი ყველაზე მოდური სერიული მკვლელია.

7. ურსულა ანიმაციიდან The Little Mermaid

ფოტო: Disney

ურსულა დისნეის ერთ-ერთი ყველაზე საკულტო პერსონაჟია, რომლის გავლენა პოპკულტურაზეც კი აისახა.

8. ჰარლი ქუინი ფილმიდან Suicide Squad

ფოტო: Warner Bros. Pictures

კომიქსის გმირებზე გადაღებული ფილმების ბევრი გულშემატკივარი ფიქრობს, რომ ამ ფილმის ერთადერთი დადებითი ნაწილი სწორედ მარგო რობის მიერ განსახიერებული ჰარლი ქუინი იყო.

9. რეჯინა ჯორჯი ფილმიდან Mean Girls

ფოტო: Paramount Pictures

ამ ფილმმა ბევრს ასწავლა, რომ ხანდახან ვარდისფერი ნივთების მოყვარულ ქერათმიან გოგოსთან ურთიერთობაც შეიძლება ძალიან, ძალიან საშიში იყოს.

10. მისტიკი X-Men-ის ფილმების სერიიდან

ფოტო: 20th Century Fox

მარველის მრავალი საოცრებითა და სრულიად უნიკალური შესაძლებლობებით სავსე სუპერგმირების სამყაროში რეივენ დარქჰოლმმა მაინც შეძლო, რომ მილიონობით მაყურებელს ის განსაკუთრებულად დამახსოვრებოდა.

11. რავენა ფილმიდან Snow White and the Huntsman

ფოტო: Universal Pictures

შარლიზ ტერონის სილამაზემ ამ როლში ზღაპრულ საზღვრებსაც კი გადააჭარბა, რის გამოც ყველა მისი ავი ზრახვის მიუხედავად, მაყურებლები სწორედ მის პერსონაჟს ეთაყვანებიან.

12. ემი დანი ფილმიდან Gone Girl

ფოტო: 20th Century Fox

დევიდ ფინჩერის ამ გახმაურებული ფსიქოლოგიური თრილერის ნამდვილი მარგალიტი როზამუნდ პაიკის ეს განუმეორებელი პერსონაჟია, რომელიც თავისი გამჭრიახობითა და უმოწყალო ბუნებით კინოს ისტორიაში ერთ-ერთი ყველაზე საინტერესო პერსონაჟია.

13. დეიდა ლიდია სერიალიდან The Handmaid's Tale

ფოტო: Hulu

ამ პერსონაჟმა შეძლო, რომ სერიალის წარმოუდგენელი უსამართლობითა და სისასტიკით სავსე სამყაროში მაყურებლების ყველაზე დიდი სიძულვილი თავად დაემსახურებინა.

14. კრუელა დე ვილი ანიმაციიდან One Hundred and One Dalmatians

ფოტო: Disney

დისნეის სამყაროს არაერთი უგულო და ბოროტმოქმედი პერსონაჟი ახსოვს, თუმცა მათ შორის თავისი უსულგულობით ნამდვილად გამორჩეულია კრუელა.

15. ენი უილკსი ფილმიდან Misery

ფოტო: Columbia Pictures

კეტი ბეიტსმა კინოს ისტორიაში ერთ-ერთი ყველაზე საშიში და ცივსისხლიანი გმირი შექმნა, რის გამოც სრულიად დამსახურებლად მიიღო ოსკარის ჯილდო ქალის როლის საუკეთესოდ შესრულებისთვის.