ცესკოს ინფორმაციით, წყალტუბოს 58-ე საოლქო საარჩევნო კომისიის თავჯდომარემ სამართლადარღვევის ოქმები, რომლებიც 49-ე და 50-ე საარჩენო კომისიიის წევრების წინასაარჩევნო აგიტაციაში შესაძლო ჩართულობას შეეხებოდა, საქალაქო სასამართლოში გადააგზავნა.

უწყების ინფორმაციით, კომისიის თავჯდომარემ სამართალდარღვევის ოქმი 5 პირის მიმართ შეადგინა. ცესკოს ცნობით, საუბარია, 28 აპრილს უწყებაში შესულ განცხადებაში აღნიშნულ ფაქტზე, რომლის თანახმადაც წყალტუბოს 49-ე საუბნო საარჩევნო კომისიის 3 წევრი წინასაარჩევნო აგიტაციაში იყვნენ ჩართულები.

ცესკოს განმარტებით, აღნიშნული განცხადება შემდგომი რეაგირებისათვის უფლებამოსილ 58-ე წყალტუბოს საოლქო საარჩევნო კომისიის თავჯდომარეს გადაეგზავნა და ადმინისტრაციულ წარმოების პროცესში არსებულ მტკიცებულებებსა (ფოტო მასალა) და კომისიის თავმჯდომარის მიერ მოკვლეულ მასალებზე დაყრდნობით დაადგინეს, რომ აღნიშნულ ქმედებაში, კიდევ ორი პირი იღებდა მონაწილეობას:

"კანონმდებლობის თანახმად, ზემოხსენებული სამართალდარღვევა ითვალისწინებს დამრღვევი პირის 2000 ლარით დაჯარიმებას, შესაბამისი ადმინისტრაციული სამართალდარღვევის ოქმის საფუძველზე, ხოლო სანქციის დაკისრების შესახებ გადაწყვეტილებას სასამართლო იღებს".