დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

საქართველოში კორონავირუსისგან კიდევ ერთი, მე-12 პაციენტი გარდაიცვალა. პრემიერ-მინისტრის თქმით, ის 81 წლის იყო.

პირველი საუნივერსიტეტო კლინიკის დირექტორი, ლალი ტურძელაძე ამბობს, რომ 81 წლის ქალი კლინიკაში მძიმე მდგომარეობაში იყო. როგორც ტურძილაძე რუსთავი 2-თან ყვება, პაციენტს 29 აპრილს გაკეთებული ტესტით კორონავირუსი აღარ ჰქონდა, თუმცა ქრონიკული დაავადებების გამო მძიმედ იყო.

ლალი ტურძელაძის განმარტებით, 81 წლის პაციენტი მათთან კლინიკაში 12 აპრილს ქართულ-გერმანული კლინიკიდან გადაიყვანეს. ის უკვე იყო მართვით სუნთქვაზე. მისივე თქმით, ქალს არტერიული ჰიპერტენზია ჰქონდა და ინფარქტი გადაიტანა. პაციენტი გულ-სისხლძარღვა მწვავე უკმარისობითა და გულის გაჩერებით.

ბოლო მონაცემებით, საქართველოში კორონავირუსით ინფიცირების კიდევ 5 შემთხვევა გამოვლინდა და ჯამში ინფიცირებულთა რიცხვი 652 გახდა. მათგან გამოჯანმრთელებულია 383 ადამიანი. კარანტინის რეჟიმში 4 246 ადამიანი იმყოფება, სტაციონარში მეთვალყურეობის ქვეშ კი 394.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: