დღეს პრემიერმინისტრმა გიორგი კვირიკაშვილმა ახალი მინისტრთა კაბინეტი წარადგინა. სახელმწიფო მინისტრის პოსტზე დავით ბაქრაძე თავისუფალი დემოკრატების ყოფილმა წევრმა ვიქტორ დოლიძემ შეცვალა.

"ვიქტორ დოლიძე გახლდათ კოალიცია ქართული ოცნების აქტიური წევრი და ის პირველივე დღეებიდან აქტიურად იყო ჩართული ქვეყნის ევროპული და ევროატლანტიკური მიმართულებით განვითარებაზე. მას აქვს კარგი კონტაქტები და დასავლური სამყარო იცნობს, როგორც გამოცდილ და კარგ დიპლომატს" - განაცხადა პრემიერმინისტრმა.

ვიქტორ დოლიძე წლების განმავლობაში იყო საქართველოს საგანგებო და სრულუფლებიანი ელჩი უნგრეთსა და ავსტრიაში. გიორგი კვირიკაშვილის თქმით, ის ევროპულ სტრუქტურებში ხშირად წარადგენდა საქართველოს.

"ვულოცავ ბატონ ვიქტორს ჩვენს გუნდში დაბრუნებას" - დასძინა პრემიერმა.

ვიქტორ დოლიძემ თავისუფალი დემოკრატები 12 ოქტომბერს, პარტიის სხვა ლიდერებთან ერთად, დატოვა. პარტიის ყოფილმა ლიდერმა ირაკლი ალასანიამ მოგვიანებით განაცხადა, რომ თუ პარტიიდან წასული წევრები გადაწყვეტენ ქართულ ოცნებაში გაერთიანებას, ეს მათი თავისუფალი არჩევანი იქნება.