თავისუფალი დემოკრატების ყოფილი ლიდერი ირაკლი ალასანია რუსთავი 2-ის ეთერში აცხადებს, რომ თუ პარტიიდან წასული წევრები გადაწყვეტენ ქართულ ოცნებაში გაერთიანებას, ეს მათი თავისუფალი არჩევანი იქნება.

პარტიის ყოფილმა თავჯდომარემ დასძინა, რომ თავისუფალი დემოკრატების ყოფილი ლიდერები, როგორებიც არიან ვიქტორ დოლიძე და ზურაბ აბაშიძე, პროფესიონალები არიან და სამშობლოს კეთილსინდისიერად ემსახურებოდნენ:

"პარტიის წევრებმა თავისუფალი დემოკრატების დატოვების გადაწყვეტილება მიიღეს, ისინი პოლიტიკიდან თავისუფლები არიან და შეუძლიათ ნებისმიერი გადაწყვეტილება მიიღონ, ეს მათი თავისუფალი არჩევანი იქნება".

ალასანიამ გაიხსენა, რომ ოცნების კოალიციიდან გასვლის შემდეგ მისმა უამრავმა ყოფილმა თანაგუნდელმა მაღალი თანამდებობები დატოვეს და ისინი ყოველთვის მის ახლო სამეგობრო წრედ დარჩებიან.

თავისუფალი დემოკრატების ყოფილი ლიდერი ირაკლი ალასანია, რუსთავი 2-ის გადაცემა არჩევანში პოლიტიკიდან დროებით წასვლის შემდეგ პირველად აძლევს ინტერვიუს.