ინსტაგრამი თავის მომავალს შოპინგის მიმართულებაში ხედავს

უკვე დიდი ხანია ინსტაგრამი მხოლოდ ფოტოების გასაზიარებელი სივრცე აღარაა. თავის დროზე ერთმა რიგითმა აპლიკაციამ ბოლო წლებში უდიდესი პროგრესი განიცადა და მილიონობით ახალი მომხმარებელი მოიზიდა. მას შემდეგ, რაც Facebook-მა ინსტაგრამი შეიძინა, აპლიკაციისთვის ახალი ეტაპი დაიწყო. ბოლო განახლებები, რომლებიც ცოტა ხნის წინ გამოჩნდა, საოცარი პოპულარობით სარგებლობს, თუმცა ინსტაგრამი ამაზე შეჩერებას არ აპირებს.

რამდენიმე კვირის წინ კომპანიამ ახალი ფუნქცია შექმნა, რომელიც მომხმარებელს საშუალებას მისცემს, აპლიკაციიდან გაუსვლელად "იშოპინგოს". ეს ნიშნავს, რომ ინსტაგრამს შეუძლია ერთ-ერთ ყველაზე დიდ პლატფორმად იქცეს ონლაინ-შოპინგის სფეროში.

ინოვაცია ასე მუშაობს: თუკი ადრე პროდუქტის განმთავსებელი ბრენდი საკუთარ ვებგვერდზე გადასვლისკენ მიგითითებდათ დეტალების გასაგებად, ახლა თქვენ ნახავთ სურათს, რომელზეც შეიძლება ერთდროულად იყოს გამოსახული რამდენიმე პროდუქტი თაგის სახით (დაახლოებით ისე, როგორც თქვენ გნიშნავენ მეგობრები ფოტოზე). თაგში მითითებული იქნება პროდუქციის აღწერა და ფასი. თქვენ შეძლებთ სასურველი ნივთი ინსტაგრამზევე შეარჩიოთ, ხოლო ტრანზაქციისთვის კომპანიის საიტზე გადამისამართდებით.

**JackThreads-ის პროფილი ინსტაგრამზე**

ფოტო: Engadget

საინტერესოა, რომ ინსტაგრამი ამ ფუნქციისთვის ფასს არ დააწესებს. ყველას, ვინც რეკლამას განათავსებს, შეეძლება იმდენი შოპინგ-თაგი გამოიყენოს, რამდენსაც მოისურვებს. მთავარი გათვლა ისაა, რომ კომპანიებმა უფრო მეტი რეკლამა განათავსონ ინსტაგრამზე, მომხმარებლები კი მეტი ხნით დარჩნენ აპლიკაციაში.

ამ მომენტისთვის აღნიშნული ფუნქცია მხოლოდ 20 ამერიკული ბრენდისთვის და თანაც iOS სისტემაზეა ხელმისაწვდომი. სავარაუდოდ, განახლება სულ მალე გახდება საჯარო.

ბოლო ამბები:

გირჩევთ