აშშ-ის ალერგიისა და ინფექციური დაავადებების ეროვნული ინსტიტუტის ხელმძღვანელი ენტონი ფაუჩი, დაავადებათა კონტროლის ცენტრის (CDC) დირექტორი, რობერტ რედფორდი და საკვებისა და მედიკამენტების ადმინისტრაციის (FDA) კომისარი, სტივენ ჰანი კარანტინში არიან. კორონავირუსთან საბრძოლველად შექმნილი კომისიის სამ მთავარ წევრს კონტაქტი ჰქონდათ პირთან, რომელსაც კორონავირუსი დაუდასტურდა.

Bloomberg-ის ინფორმაციით, რედფილდი და ჰანი კარანტინიდან გააგრძელებენ მუშობას. CNN-თან ინტერვიუში იგივე აღნიშნა ფაუჩიმაც. მისი თქმით, დაბალი რისკის ჯგუფშია, რადგან ტესტი პარასკევს გაიკეთა და უარყოფითი პასუხი ჰქონდა.

კორონავირუსი უკვე დაუდასტურდა თეთრი სახლის ორ თანამშრომელს. ერთი ტრამპის პირადი კამერდინერია, მეორე კი ვიცე-პრეზიდენტ მაიკ პენსის, პრესსპიკერი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: