დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ინფექციური საავადმყოფოს კლინიკური დირექტორის, მარინა ეზუგბაიას თქმით, კონტროლირებადი მატებით ახალი დადასტურებული შემთხვევების შემცირება მიიღეს.

მისი თქმით, თუ მაისში ასეთი ტემპი შენარჩუნდება, მაშინ შეიძლება თქვან, რომ კორონავირუსი გადალახეს.

"როცა არის ზომიერი, კონტროლირებადი მატება, დინამიკა ყოველთვის უნდა იყოს უკეთესი და ეს დასტურდება ბოლო ორი კვირის მონაცემებით. კონტროლირებადი მატებით ჩვენ ციფრების შემცირება მივიღეთ ახალი დადასტურებული შემთხვევების. ვნახოთ, ეს თუ შეგვინარჩუნდება და ასე გავივლით მაისს ერთნიშნა ციფრებით, ალბათ ვიტყვით, რომ დაბრკოლება, რასაც კორონავირუსი ჰქვია, ამ ეტაპზე გადავლახეთ" — განაცხადა ეზუგბაიამ.

ბოლო 24 საათში კორონავირუსით ინფიცირებულთა რიცხვი 3-ით გაიზარდა და საერთოდ რაოდენობა 626 გახდა, ხოლო კორონავირუსისგან კიდევ 9 ადამიანი გამოჯანმრთელდა და სულ გამოჯანმრთელებულთა რიცხვმა 297-ს მიაღწია.

ამდროისთვის ქვეყანაში COVID-19-ის გამო 10 ადამიანი გარდაიცვალა. კარანტინის რეჟიმში რჩება 4 702 ადამიანი, ხოლო სტაციონარში მეთვალყურეობის ქვეშ — 459.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: