ამერიკაში მცხოვრებ ნავაჰოსა და ჩოკტოს ტომებს კორონავირუსის პანდემიის დროს საგრძნობი ზარალი მიადგა. ტომებს საკვების, სასმელი წყლისა და პირველადი საჭიროების ნივთების კრიზისი შეექმნა.

სასმელი წყლის შესაძენად, სხვა კონტინენტის მოქალაქეებმა GoFundMe-ზე კამპანია წამოიწყეს. ინდიელი ტომების გასაოცრად მათთვის ჯამში 1,7 მილიონ დოლარზე მეტი შეგროვდა. გულუხვი დახმარების უკან ირლანდიელები დგანან, მიზეზი კი იმაზე კეთილშობილურია, ვიდრე წარმოიდგენთ.

ჩოკტოს ტომისა და ირლანდიელების მეგობრობის ისტორია 1847 წლის მარტიდან იწყება, როდესაც შიმშილობის დროს, ტომმა მათ დასახმარებლად 170 დოლარი გაუგზავნა. იმის მიუხედავად, რომ ტომი იმ პერიოდში გადასახლების გამო სირთულეებს განიცდიდა, მათ ირლანდიელების მიმართ ემპათია გამოხატეს. იმდროინდელი 170 დოლარი ახლა 5000 დოლარის ეკვივალენტია.

შემომწირველები საიტზე გულისგამათბობელ კომენტარებს ტოვებენ:

"არასდროს დაგვავიწყდება თქვენ მიერ გამოჩენილი სიკეთე მაშინ, როცა არაფერი გაგვაჩნდა. ახლა შეგიძლიათ ირლანდიის სოლიდარობისა და თანადგომის იმედი გქონდეთ".

"არ დაგვვიწყებიხართ, არ ხართ მარტონი".

ამ სიტუაციაში ნამდვილად შეიძლება იმის თქმა, რომ გაზიარებული სიკეთე ჩოკტოს ტომს 173 წლის შემდეგ დაუბრუნდა უკან.