დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

პირველ საუნივერსიტეტო კლინიკას დღეს 5 გამოჯანმრთელებული პაციენტი დატოვებს. ამის შესახებ კლინიკის დირექტორმა, ლევან რატიანმა განაცხადა.

მისი თქმით, გამოჯანმრთელებულთა შორის ერთ-ერთი 13 წლის მოზარდია.

რატიანის ინფორმაციით, ბოლო დღე-ღამის განმავლობაში კლინიკა 12-მა გამოჯანმრთელებულმა ადამიანმა დატოვა და ამ ეტაპზე კლინიკაში სულ 68 კოვიდინფიცირებული პაციენტი რჩება.

" დღეს ეწერება 5 პაციენტი. გაეწერა ყველაზე ახალგაზრდა 13 წლის ბავშვი, რომელიც იწვა 24 დღის განმავლობაში. ორჯერადად გამოვლინდა უარყოფითი და რამდენიმე წუთში დატოვებს კლინიკას", — განაცხადა რატიანმა.

ბოლო მონაცმებით, საქართველოში კორონავირუსით ინფიცირების 593 შემთხვევაა გამოვლენილი. მათ შორის გამოჯანმრთელდა 223 ადამიანი და გარდაცვლილია 9.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: