პანდემიის პერიოდში რომის პაპი ფრანცისკე ტრანსგენდერ სექსმუშაკებს ფინანსურად დაეხმარა. როგორც FoxNews წერს, ინფორმაციას ამის შესახებ იტალიური გაზეთი ავრცელებს.

როგორც სასულიერო პირი დონ ანდრეა კონოკია ყვება, ტრანსგენდერებმა დახმარება ითხოვეს, რადგან პანდემიის გამო შემოსავლის წყარო დაკარგეს. მათ პაპს კარდინალ კონრად კრაევსკის დახმარებით მიმართეს, რომელიც პონთიფიკის სახელით გაკეთებულ ქველმოქმედებაზეა პასუხისმგებელი.

"ფრანცისკეს რეაგირება იმწამიერი იყო", — წერს იტალიური გაზეთი.

ამასთან, ტრანსგენდერებმა პაპ ფრანცისკენ აუდიოჩანაწერი გაუგზავნეს, რომელშიც დახმარებისთვის მადლობას უხდიან.

"დიდი მადლობა, პაპო ფრანცისკე! ღმერთმა დაგლოცოთ, მადლობა ყველაფრისთვის. ათასი კურთხევა. ღვთისმშობელმა დაგლოცოთ!"

კორონავირუსისა და ინფიცირების მაღალ მაჩვენებლის გამო იტალიაში კარანტინი გამოცხადდა. მოქალაქეებს ქუჩაში გასვლა მხოლოდ გამონაკლის შემთვევებში, აფთიაქებსა და მაღაზიებში შეეძლოთ. პანდემიის გამო იტალიაში სექსმუშაკები კიდევ უფრო მეტ პრობლემას აწყდებიან, რადგან საბუთების გარეშე გარკვეულ დახმარებებს ვერ იღებენ.