ტომ მური, იგივე კაპიტანი ტომი, მეორე მსოფლიო ომის ვეტერანია, რომელმაც შეძლო და ბრიტანეთის ეროვნული ჯანდაცვის სისტემის დასახმარებლად 37 მილიონ დოლარზე მეტი შეაგროვა. ის დღეს, 30 აპრილს 100 წლის გახდა.

ტომმა დაბადების დღემდე თითქმით ერთი თვით ადრე გადაწყვიტა დიდი იუბილეს აღსანიშნავად პანდემიის დაძლევაში შეეტანა წვლილი და საქველმოქმედო მიზნებისთვის თანხა შეეგროვებინა: მან საკუთარი თავი ეზოში დამოუკიდებლად სეირნობაში გამოიწვია: თუ ამ დავალებას წარმატებით გაართმევდა თავს და დაამტკიცებდა, რომ თავს კვლავ მხნედ გრძნობს, მაშინ სურვილის შემთხვევაში სხვებს საქველმოქმედო ფონდში თანხა უნდა გადაერიცხათ.

ტომის მიზანი 100 გირვანქა სტერლინგის შეგროვება იყო, თუმცა საბოლოო თანხამ ათეულობით მილიონი შეადგინა.

ჯანდაცვის სისტემის თანამშრომლებმა და ბრიტანელმა ვარსკვლავმა, მაიკლ ბოლმა მასთან ერთად ცნობილი სიმღერის, You Will Never Walk Alone-ის (შენ არასდროს ივლი მარტო) ქავერი ჩაწერეს, რომელმაც კვირის ბოლოს დიდი ბრიტანეთის სინგლების ჩარტში პირველი ადგილი დაიკავა.

100 წლის იუბილეზე ტომს პოლკოვნიკის ტიტულიც გადასცეს. ათასობით მისალოცი ბარათიდან კი ერთი დედოფალ ელიზაბეტ მეორესგანაც მიიღო.

ფოტო: BEDFORD SCHOOL

ფოტო: ROYAL MAIL/PA MEDIA