Good Morning America-ს კორესპონდენტმა სახლიდან პირდაპირ ეთერში ჩართვისას არ იცოდა, რომ კადრში მისი ფეხებიც ჩანდა, რადგან ამ შემთხვევაში, აუცილებლად ჩაიცვამდა შარვალს კოსტიუმთან ერთად.

ABC-ის დილის გადაცემის ერთ-ერთი რუბრიკის წამყვანი უილ რივი ჩართვისას იმ აფთიაქებზე საუბრობდა, რომლებიც პრეპარატების მყიდველებთან მისატანად დრონებს იყენებდა. თუმცა, ერთ მომენტში, ჟურნალისტი გამოძრავდა, სწორედ ამ დროს გამოჩნდა, რომ მხოლოდ საცვალი ეცვა.

რა თქმა უნდა, ტვიტერს მისი გამოაშკარავება არ მორიდებია, რასაც თავად ჟურნალისტიც გამოეხმაურა ხუმრობით და მისი გავირუსების ამბავს "ყველაზე სასაცილო და ამავდროულად, შეურაცხმყოფელი" უწოდა.

რივი საკუთარი თავის ოპერატორიც თავად იყო, რაც იმას ნიშნავს, რომ უწყინარი შეცდომისთვის არავის გათავისუფლება მოუწევს.