ესპანეთის დედაქალაქ მადრიდში კვირას ბავშვებისთვის შეზღუდვები შემსუბუქდა და მათ დილის 9 საათიდან საშუალება მიეცათ სასეირნოდ გარეთ გავიდნენ. ამის შესახებ ინფორმაციას CNN ავრცელებს.

ეს 14-წლამდე ბავშვებისა და მათი მშობლებისთვის საგანგებო მდგომარეობის დაწყებიდან 6 კვირის შემდეგ, პირველად ხდება.

მთავრობის წესების მიხედვით, ბავშვს შეუძლია სახლიდან დღეში ერთხელ, 1 საათით, სახლიდან ნახევარი მილის მანძილზე, ერთ თანმხლებ უფროსთან ერთად გავიდნენ. სამამდე ბავშვის შემთხვევაში შესაძლებელია ისინი ერთმა ზრდასრულმა გაისეირნოს.

ესპანეთის ჯანდაცვის სამინისტროს მონაცემებით, კვირას ქვეყანაში კორონავირუსით 288 ადამიანი გარდაიცვალა. ეს ყველაზე დაბალი მაჩვენებელია 20 მარტის შემდეგ, თუმცა წინა დღესთან შედარებით 1,3%-იანი ზრდაა. ესპანეთში კორონავირუსის შემთხვევების დაღმავალი ტენდენცია შეინიშნება, თუმცა სპეციალისტები მოქალაქეებს მოუწოდებენ, რომ სიფრთხილე გამოიჩინონ.

ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად 11 მარტს გამოაცხადა.

წაიკითხეთ NCDC-სა და WHO-ს რეკომენდაციები კორონავირუსის პრევენციის შესახებ: