მართმადიდებელი ეკლესიის პატრიარქმა, ილია მეორემ საკვირაო ქადაგებისას ხელისუფლება, სასულიერო პირები და მრევლი დალოცა, მიზეზად კი დაასახელა: "ყველაფერს აკეთებენ, რომ უფალი ჩვენთან იყოს". მანვე მადლობა გადაუხადა ღმერთს, რომ "წირვა-ლოცვის საშუალება გვაქვს".

"მე მინდა დავლოცო ჩვენი ხელისუფლება, სამღვდელობა ჩვენი ხალხი, რომ ყველაფერს აკეთებენ იმისათვის, რომ უფალი ჩვენთან იყო. სხვაგან არ არის ამის საშუალება", — განაცხადა მან.

ქადაგებისას ილია მეორემ ისაუბრა იმაზეც, რომ "რთულ დროს ვცხოვრობთ", როდესაც ეკლესია გასაჭირშია. თუმცა მანვე აღნიშნა, რომ "ბჭენი ჯოჯოხეთისანი ვერ მოერევიან ეკლესიას".

სავარაუდოდ, ამ ფორმით პატრიარქმა მადლობა გადაიხადა იმისთვის, რომ მთავრობამ საგანგებო მდგომარეობის შეზღუდვების მიუხედავად, კანონის გვერდის ავლით, ეკლესიას ხალხმრავალი შეკრებებისა და ე.წ. კომენდანტის საათის დროს აღდგომის ლიტურგიის ჩატარების უფლება მისცა. ამ საკითხმა პოლიტიკოსებსა და საზოგადოებაში კრიტიკა გამოიწვია და ხელისუფლება შერჩევით სამართალში დაადანაშაულეს.

შეგახსენებთ, რომეპიდემიოლოგებისა და ჯანდაცვის სფეროს წარმომადგენლების რეკომენდაციების მიუხედავად, საპატრიარქომ უარი თქვა ერთი კოვზით ზიარების წესსზე და ამ დრომდე რიტუალი ერთი კოვზით სრულდება.