ყოფილი საპრეზიდენტო კანდიდატი ალხას კვიცინია, ოკუპირებული აფხაზეთის ახალი დე ფაქტო პრეზიდენტის, ასლან ბჟანიას ადმინისტრაციის უფროსი გახდა. ამის შესახებ ინფორმაციას, ადგილობრივი სახელისუფლებო გამოცემა ავრცელებს.

ალხას კვიცინიამ დე ფაქტო საპრეზიდენტო არჩევნების შედეგები გააპროტესტა. ის დარწმუნებული იყო, რომ ყოფილმა დე ფაქტო პრეზიდენტმა, რაულ ხაჯიმბამ არჩევნები გააყალბა და ხელახალ არჩევნებს მოითხოვდა.

დე ფაქტო უზენაესმა სასამართლომ კვიცინიას სარჩელი დააკმაყოფილა და დე ფაქტო არჩევნების შედეგები გააუქმა. მოგვიანებით, რაულ ხაჯიმბა გადადგა და ხელახალ არჩევნებში ასლან ბჟანიამ გაიმარჯვა.

ბჟანია დე ფაქტო უფლებამოსილების შესრულებას უკვე შეუდგა.