პირველი საუნივერსიტეტო კლინიკის ექიმი, ლევან რატიანი ამბობს, რომ უახლოეს საათებში კლინიკიდან 15 პაციენტს გაწერენ. მისივე თქმით, საავადმყოფოში 8 რეანიმაციული პაციენტია, მათგან ორის მდგომარეობა კრიტიკულია.

საქართველოში კორონავირუსი კიდევ 6 ადამიანს დაუდასტურდა და ინფიცირებულთა საერთო რაოდენობა 431-მდე გაიზარდა. მათგან გამოჯანმრთელებულია 114, ხოლო გარდაცვლილია 5. კარანტინის რეჟიმში 5 126 ადამიანია, სტაციონარში მეთვალყურეობის ქვეშ — 578.

ახალი დადასტურებული შემთხვევებიდან ერთი თბილისის ცენტრალურ ინფექციურ საავადმყოფოშია მოთავსებული. საავადმყოფოს დირექტორის, მარინა ეზუგბაიას თქმით, მისი წყარო ჯერ ცნობილი არაა და კვლევა მიმდინარეობს.

ბოჭორიშვილის კლინიკის წარმომადგენლის განცხადებით, მათ ორი ახალი პაციენტი ჰყავთ, რომლებიც მარნეულიდან გადმოიყვანეს. კლინიკაში, ასევე, დაემატა 2 გამოჯანმრთელებული, რომლებიც უკვე გაწერეს.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: