პრეზიდენტის, სალომე ზურაბიშვილის განცხადებით, ოპოზიციის მხრიდან ანტიკრიზისული გეგმის დროულად მოთხოვნა ლეგიტიმურია, თუმცა ეს არ უნდა გახდეს საგანგებო მდგომარეობის გაგრძელების შეფერხების მიზეზი. მისი თქმით, ამ დღეებში მთავრობა გეგმას წარადგენს.

"ზოგიერთი ანტიკრიზისულ გეგმას ახლავე ითხოვს. მის აუცილებლობაში ყველა ვთანხმდებით. თუმცა, ეს ძალიან ლეგიტიმური მოთხოვნა არ უნდა გახდეს საგანგებო მდგომარეობის გაგრძელების შეფარხების მიზეზი. [...]

ამ დღეებში მთავრობისგან ამ გეგმის პრეზენტაციას ველოდებით და მაქვს მოლოდინი, რომ იგი უპასუხებს იმ მოქალაქეებისა და საწარმოების საჭიროებებს, რომლებსაც სახელმწიფოსგან გადაუდებელი დახმარება სჭირდებათ", — განაცხადა მან.

პარლამენტის სხდომაზე ევროპული საქართველოს დეპუტატებმა საგანგებო მდგომარეობის შეზღუდვები გააპროტესტეს და პარლამენტში პრემიერ-მინისტრის, გიორგი გახარიას მისვლა მოითხოვეს. მათი განცხადებით, თუ მთავრობა ანტიკრიზისულ, ეკონომიკურ გეგმას არ წარადგენს, საგანგებო მდგომარეობის გაგრძელებას მხარს არ დაუჭერენ, რადგან ასე ქვეყნის ეკონომიკი ზარალდება.

პარლამენტმა დღეს საგანგებო მდგომაორების 22 მაისამდე გაგრძელება უნდა დაამტკიცოს.