ევროკიმისიის ახალი წინადადებით, უვიზო მოგზაურებისთვის ევროზონაში შესასვლელად ავტორიზაციის ელექტრონული სისტემა (ETIAS) უნდა დაინერგოს.

როგორც ევროკომისიის ვებ-გვერდზე ვკითხულობთ, ონლაინ ავტორიზაციის პროცედურა იქნება მარტივი, იაფი და სწრაფი. უმრავლეს შემთხვევებში, მას რამდენიმე წუთი დასჭირდება, რაც მოიცავს აპლიკაციის შევსების მაქსიმუმ ათი წუთს და მისი ღირებულება 18 წელს ზემოთ პირებისთვის 5 ევრო იქნება.

აპლიკანტმა სპეციალურად შექმნილ საიტზე ონლაინ აპლიკაციის შესავსებად უნდა ჩაწეროს მისი პერსონალური და სამგაზვრო დოკუმენტის მონაცემები, ასევე განათლებისა და საქმიანობის შესახებ. გარდა ამისა კითხები მოიცავს აპლიკანტის ჯანმრთელობის მდგომარეობის შესახებ ინფორმაციას, ისეთს როგორიცაა რაიმე გადამტანი ინფექცია. ასევე უნდა აღნიშნოს კრიმინალური წარსულისა და საომარ ზონაში ყოფნის შესახებ ინფორმაცია. აპლიკანტის მონაცემების დამუშავება დაიწყება მას შემდეგ, რაც მოსაკრებლის გადახდა დადასტურდება.

ევროკომისია განმარტავს, რომ ETIAS-ის ავტორიზაცია არ იქნება ვიზა, არამედ უფრო მსუბუქი რეჟიმი. ქვეყნები, რომლებიც სავიზო ლიბერალიზაციით სარგებლობენ, ასევე გააგრძელებენ, თუმცა მოუწევთ მარტივი სამოგზაურო ავტორიზაციის გავლა, მანამ სანამ შენგენის ზონაში შევლენ.

ევროკომისია აცხადებს, რომ იმის გადასაწყვეტად, დაუშვან თუ არა ევროზონის საზღვარზე აპლიკანტი, ავტომატური სისტემა წინასწარ შეამოწმებს მას, პერსონალური მონაცემების სრული დაცვითა და პატივისცემით.

საბოლოოდ, დაშვების შესახებ გადაწყვეტილებას მიიღებს კონკრეტული მესაზღვრე, შენგენის სასაზღვრო კოდექსის დაცვით. აღსანიშნავია რომ თავად ავტორიზაციის ფაილი მესაზღვრისთვის არ იქნება ხელმისაწვდომი. თუკი ის მიიღებს ინფორმაციას, რომ სამგზავრო ავტორიზაცია ვალიდური არ არის, შესაბამისად იმოქმედებს.

აღნიშნული ინიციატივის შესახებ ევროკომისიის პრეზიდენტმა ჟან კლოდ იუნკერმა 2016 წლის სექტემბერში განაცხადა:

"ჩვენ გვჭირდება რომ ვიცოდეთ, ვინ კვეთს ჩვენს საზღვრებს. ნოემბრისთვის ჩვენ წარმოვადგენთ ავტომატურ სისტემას იმის განსასაზღვრად, თუ ვის დაუშვებენ ევროკავშირის საზღვრებში".

ვიცე-პრეზიდენტი ფრანს ტიმერმანსი ამბობს, რომ ევროკავშირის საზღვრებისა და მათი მოქალაქეების დაცვა პრიორიტეტული საკითხია.

უშიშროების კავშირის კომისრის, ჟულიან კინგის განცხადებით კი ტერორისტებსა და კრიმინალებს დიდად არ ანაღვლებთ ეროვნული საზღვრის გადმოკვეთა:

"ერთადერთი გზა მათ[ტერორისტების] დასამარცხებლად, არის ის რომ ერთად და ეფექტურად უნდა ვიმუშავოთ. ახალი სისტემა კი ამაში დაგვეხმარება, რომ განვსაზღვროთ პრობლემური ინდივიდები და ხელი შებუშალოთ საზღვის გადმოკვეთაში".