ყოფილი პრეზიდენტი, მიხეილ სააკაშვილი, ფინანსური დახმარების მოტანის შესახებ საკუთარ შეთავაზებაზე, ქართულ ოცნებას პასუხობს და ამბობს, რომ მას უფრო მეტი გავლენა შერჩა, ვიდრე დღევანდელ ხელისუფლებას

"დიახ, თქვენთის მე კაპიკის მომტანი არა ვარ, რაც წაიღეთ იმასაც მოგატანინებთ, მაგრამ ქართველი ხალხისთვის მე ვარ მომტანი მრავალი მილიარდის და შემიძლია ეს ახლაც გავაკეთო, სანამ ქვეყნის გარეთ ვარ, იმიტომ რომ ბევრად მეტი ავტორიტეტი შემრჩა, ვიდრე თქვენ ყველას აღებულს. საკმარისია შეხედო ფინანსთა მინისტრს და მიხვდე, რომ მაქსიმუმ ნახალოვკის ბირჟაზე დაელაპარაკოს ვინმე და მსოფლიოს ინსტიტუტებში, პრატიკულად, ასეთ ხალხს არავინ დაელაპარაკება".

ფინანსთა მინისტრმა, ივანე მაჭავარიანმა მიხეილ სააკაშვილის შეთავაზებაზე თქვა, რომ "სააკაშვილის გადამკიდე" დონერებმა შესაძლოა ის თანხებიც წაართვან, რასაც აძლევენ. მისი თქმით, მთავრობას კრიზისიდან გამოსვლის გეგმაც გვაქვს, თანხების მოზიდვისაც და ეკონომიკის შემდგომი სტიმულირებისაც.

ქართული ოცნების დეპუტატი, ირაკლი სესიაშვილი ამბობს, რომ ყოფილი პრეზიდენტის, მიხეილ სააკაშვილის მიერ საქართველოს სახელით მოქმედება იმიჯის დამაზიანებელია.

ყოფილმა პრეზიდენტმა, მიხეილ სააკაშვილმა ქვეყნის მოქმედ მთავრობას უცხოური მხარდაჭერის მისაღებად ხელისუფლების დროებითი და ოფიციალური წარმომადგენლის სტატუსი სთოხავა. სააკაშვილი გარანტიას იძლევა, რომ თუ 5,5 მილიარდს არა, იმდენ დახმარებას მაინც ჩამოიტანს, რომ საქართველოს ეკონომიკა გადარჩეს.