საფრანგეთის პრემიერი-მინისტრის, ედუარდ ფილიფის განცხადებით, ქვეყანა ნორმალურ ცხოვრებას დიდხანს ვერ დაუბრუნდება. ამის შესახებ ინფორმაციას CNN ავრცელებს.

მინისტრის თქმით, იმის წარმოდგენა, რომ მდგომარეობა უმჯობესდება შეცდომაა.

როგორც პრემიერი ამბობს, ქვეყანამ პიკი გადაირა, თუმცა ეს შვების საფუძველს არ იძლევა, რადგან კორონავირუსის საწინააღმდეგო ვაქცინა და წამალი არ არსებობს.

საფრანგეთი 11 მაისიდან კორონავირუსის გამო დაწესებული შეზღუდვების ეტაპობრივად მოხსნას იწყებს, თუმცა სამი მთავარი პრინციპი, სოციალური დისტანცირება, მასშტაბური ტესტირებები და ინფიცირებულთა იზოლაცია კვლავ იმოქმედებს.

ედუარდ ფილიპის თქმით, საფრანგეთის სკოლებში სასწავლო პროცესი 11 მაისის შემდეგაც სრულად არ აღდგება.

ბოლო მონაცემებით, საფრანგეთში კორონავირუსით ინფიცირების 152 894 შეემთხვევაა დადასტურებული, მათ შორის გამოჯანმრთელებულია 36 578 ადამიანი და გარდაცლილია 19 718.