ბრაზილიის პრეზიდენტი, ჟაირ ბოლსონარუ შეუერთდა აქციას, სადაც კორონავირუსის გამო დაწესებული შეზღუდვების მოხსნას მოითხოვდნენ. CNN-ის ინფორმაციით, ბრაზილიის დედაქალაქში გამართულ აქციაზე ბოლსონარუ ნიღბის გარეშე მივიდა და რამდეჯერმე დაახველა კიდეც.

აქციაზე ზოგიერთი მოქალაქე მოითხოვდა, რომ სამხედრო ძალს გამოყენებით კონგრესი და უზენაესი სასამართლო დაეკეტათ. ორივე მათგანი სოციალურ იზოლაციას უჭერს მხარს.

ბოლო მონაცემებით, ბრაზილიაში კორონავირუსით ინფიცირების 38 ათასზე მეტი შემთხვევაა დაფიქსირებული. ვირუსის შედეგად 2 462 ადამიანი გარდაიცვალა.

ცენტრალური და ლოკალური ხელისუფლებები კორონავირუსთან ბრძოლას სხვადასხვანაირად უდგებიან, მაშინ როცა პრეზიდენტი მკაცრი შეზღუდვების წინააღმდეგ გამოდის. ადგილობრივი და შტატების ხელისუფლებები სკოლებსა და ბიზნესებს კეტავენ, ხოლო პოლიციელები და მეხანძრეები ქუჩაში მოსახლეობას მოუწოდებენ სალხში დარჩნენ.

წინა კვირას ჟაირ ბოლსონარუმ გაათავისუფლა ჯანდაცვის მინისტრი, რომელსაც სოციალური შეზღუდვების გამო არ ეთანხმებოდა. ახალი მინისტრის წარდგენის დროს კი მან განაცხადა, რომ კომპანიებმა მუშაობა ისევ უნდა განაახლონ, რათა ეკონომიკური შედეგები იმაზე უარესი არ იყოს, ვიდრე თვითონ ვირუსი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: