საქართველოს ყოფილი პრეზიდენტი, მიხეილ სააკაშვილი ქვეყნის მოქმედ მთავრობას უცხოური მხარდაჭერის მისაღებად ხელისუფლების დროებითი და ოფიციალური წარმომადგენლის სტატუსს სთხოვს.

"გამომიყენეთ უცხოური მხარდაჭერის მისაღებად. მე მზად ვარ მოვიარო ყველა უცხოური დედაქალაქი. ძალიან ბევრს ვიცნობ საერთაშორისო ფინანსურ ორგანზიაციებში, ბოლოს და ბოლოს დონალდ ტრამპი მთელ მსოფლიოში მაქებდა მრავალი წლის განმავლობაში და თავის პირად მეგობრად მაცხადებდა; ბოლოს და ბოლოს ყველას ვიცნობ, ვინც დღევანდელი ევროპის ლიდერები არიან. მე გაძლევთ გარანტიას, რომ თუ 5,5 მილიარდს არ ჩამოვიტან, იმდენ დახმარებას მაინც ჩამოვიტან, რომ საქართველოს ეკონომიკა გადარჩეს", — განაცხადა სააკაშვილმა მთავარი არხის ეთერში.