არსებულ კრიზისულ სიტუაციაში, როგორც ჩანს, კიბერკრიმინალებს ბევრი თავისუფალი დრო გამოუჩნდათ. იმეილები, რომლებიც მიზნად პირადი ინფორმაციის გამოძალვას ისახავენ პანდემიის პირობებში რიცხვობრივად 667 პროცენტით გაიზარდა.

კიბერკრიმინალები იმეილებს WHO-ს ან ჯანდაცვის სხვა ორგანიზაციების სახელით გაგზავნას ცდილობენ.

გუშინ, Google-მა გამოამჟღავნა, რომ ის მსგავსი იმეილების გაფილტვრას Gmail-ზე შეუჩერებლად ცდილობს. კომპანია COVID-19-თან დაკავშირებულ 240 მილიონამდე სპამ წერილს ბლოკავს. გარდა ამისა, როგორც კომპანიაში ამბობენ, დამატებთ 18 მილიონი ისეთი იმეილი იბლოკება, რომლებიც პირადი ინფორმაციის მოპარვის მიზნით იგზავნება.

Spam-ის და საშიში წერილების გაფილტვრაში Google-ს მანქანური სწავლების ალგორითმი ეხმარება, რომლის ეფექტიანობაც ამ დროისთვის 99,9%-ია.

Google-ში ამბობენ, რომ სპამ იმეილები ძირითადად WHO-ს სახელით ფინანსურ დახმარებას ითხოვენ ან პირადი ინფორმაციის სანაცვლოდ, Gmail-ის მომხმარებლებს ფულს სთავაზობენ.

Google მომხმარებლებს ურჩევს, რომ არასანდო ან საეჭვო წყაროებიდან გამოგზავნილი ფაილები არ ჩაიწერონ და Gmail-ის "დოკუმენტის ნახვის" ფუნქციით გახსნან.