ექიმი-ინფექციონისტი რევაზ მეჭურჭლიშვილი ამბობს, რომ აღდგომის ღამეს მრევლი ეკლესიაში არ უნდა მივიდეს და სახლიდან უნდა ილოცოს. ამის შესახებ მან რუსთავი 2-ის ეთერში ისაუბრა.

"ისინი ამბობენ, რომ იქნება დისტანცირება, თუმცა ეს მაინც ძალიან დიდი რისკია და ამ მომენტში ამ რისკის გაწევა არ ღირს [...] ეს ერთი წელი შეგიძლია გადავატაროთ ისე, რომ სახლში ვილოცოთ და ეკლესიებში ილოცონ ჩვენთვის სასულიერო პირებმა", — განაცხადა მან.

კორონავირუსი უკვე ორ სასულიერო პირს აღმოაჩნდა. ბოლო შემთხვევა დღეს, 17 აპრილს დადასტურდა.

საგანგებო მდგომარეობის ფარგლებში დაწესებული ახალი შეზღუდვებით, ქვეყნის მასშტაბით სასაფლაოები დაიკეტა. ახალი შეზღუდვებით, აკრძალულია ნებისმიერი მსუბუქი ავტომობილით გადაადგილება, მათ შორის ტაქსითაც. ასევე, სავალდებულო გახდა პირბადის ტარება.

ბოლო მონაცემებით, საქართველოში კორონავირუსის 370 დადასტურებული შემთხვევაა, მათგან გამოჯანმრთელებულია 77 ადამიანი, ხოლო გარდაცვლილია 3. კარანტინის რეჟიმში 5 079 პირი რჩება, სტაციონარში მეთვალყურეობის ქვეშ კი 558 პაციენტი.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: