უკრაინის პრეზიდენტ პეტრო პოროშენკოსა და აშშ-ს პრეზიდენტის არჩევნებში გამარჯვებულ დონალდ ტრამპს შორის სატელეფონო საუბარი შედგა. ინფორმაციას უკრაინის პრეზიდენტის ადმინისტრაცია ავრცელებს.

პოროშენკომ ტრამპს პრეზიდენტის არჩევნებში გამარჯვება მიულოცა და უთხრა, რომ უკრაინა, სტრატეგიული პარტნიორობის განმტკიცების მიზნით, მზად არის აშშ-სთან სამომავლო თანამშრომლობისთვის.

პოროშენკომ ხაზი გაუსვა ვაშინგტონის მხრიდან, რუსული აგრესიის წინააღმდეგ, უკრაინის მხარდაჭერის მნიშვნელობას და საჭირო რეფორმების გატარებას. ორი ქვეყნის ლიდერებმა სამომავლოდ კონტაქტის შენარჩუნებაზე მოილაპარაკეს. ამასთან გადაწყდა, რომ მათ შორის პირისპირ შეხვედრაც უნდა შედგეს.