დაავადებათა კონტროლის ცენტრის ცხელი ხაზი 116 001
ჯანდაცვის სამინისტროს ცხელი ხაზი 15 05
მთავრობის ცხელი ხაზი 144

ჯანდაცვის მინისტრის, ეკატერინე ტიკარაძის განცხადებით, მედიკამენტ პლაქვენილის მარაგები შეივსება. ამის შესახებ მინისტრმა საკოორდინაციო საბჭოს სხდომის დასრულების შემდეგ ნეტგაზეთის კითხვის პასუხად განაცხადა.

მისი თქმით, ქვეყანაში უკვე შემოტანილია 1 000-ზე მეტი კოლოფი, რომელიც "შესაბამის დაწესებულებებშია" გადანაწილებული და შემოვა დამატებით 3 000 კოლოფი, რომელიც საცალო გაყიდვაში ჩაეშვება.

მას შემდეგ რაც გავრცელდა ინფორმაცია, რომ პლაქვენილის კორონავირუსის სამკურნალოდ გამოიყენებენ, მოსახლეობამ მედიკამენტის შესყიდვა დაიწყო და სააფთიაქო ბაზარზე დეფიციტი გაჩნდა იმ ადამიანებისთვის, ვისაც მედიკამენტი რეალურად სჭირდებათ. სამედიცინო სფეროს წარმომადგენლებმა არაერთხელ მოუწოდეს მოსახლეობას, რომ ეს წამალი არ შეეძინათ, რადგან მას პროფილაქტიკური მიზნით ვერ გამოიყენებენ.

წაიკითხეთ NCDC-სა და WHO-ს რეკომენდაციები კორონავირუსის პრევენციაზე: