ამერიკის საპრეზიდენტო არჩევნებში გამარჯვების შემდეგ, თავის პირველ სატელევიზიო ინტერვიუში დონალდ ტრამპი მხარდამჭერებს მოუწოდებს შეწყვიტონ უმცირესობების დისკრიმინაცია:

"საკმაოდ შევშფოთდი, როდესაც ამის შესახებ გავიგე, შეწყვიტეთ ეს, თუ ეს დაგეხმარებათ, კამერაში შემოგხედავთ და ისე გეტყვით, შეწყვიტეთ ეს".

ტრამპმა აღნიშნული მოწოდება მას შემდეგ გააკეთა, რაც ჟურნალისტმა უთხრა, რომ ლათინოამერიკელები და მუსლიმები დისკრიმინაციას განიცდიან.

ტრამპის გამარჯვების მეორე დღესვე, ორი რასისტული ვანდალური ფაქტი მოხდა ნიუ-იორკის დასავლეთით. კოლეჯის ლიფტში, დილით შავკანიანი თოჯინა ყელზე თოკით იყო ჩამოკიდებული, ხოლო ერთ-ერთ პარკში შენობაზე ნაციზმის სიმბოლოსთან ერთად ეწერა: "გავხადოთ ამერიკა ისევ თეთრი".