თბილისი ენერჯი გაზსადენის ქსელის რეაბილიტაციასთან დაკავშირებით განცხადებას ავრცელებს:

"დედაქალაქის გაზმომარაგებისთვის დასრულდა ერთ-ერთი მნიშვნელოვანი პროექტი მტკვრის მარჯვენა სანაპიროზე. სარეაბილიტაციო სამუშაოების მეოთხე ეტაპის ფარგლებში, კომპანია თბილისი ენერჯიმ გაზსადენის 320 მეტრის სიგრძის მონაკვეთი სრულად განაახლა საშუალო წნევის 300 მმ–იანი თანამედროვე პოლიეთილენის მილით.

აღნიშნული მონაკვეთი დედაქალაქის უსაფრთხო გაზმომარაგებისთვის ერთ-ერთი მნიშვნელოვანი მონაკვეთია. ახალი, უსაფრთხო გაზსადენის ქსელში ჩართვის მიზნით, 13 აპრილის 10:00 საათიდან, 14 აპრილის 13:00 საათამდე გაზის მიწოდება დროებით შეუწყდება აბონენტთა ნაწილს მთაწმინდისა და ჩუღურეთის რაიონებში. კომპანია თბილისის ენერჯი წინასწარ ბოდიშს გიხდით შექმნილი დისკომფორტის გამო. აბონენტების ახალ გაზსადენზე გადართვა აუცილებელია თქვენი უსაფრთხოებისთვის, ასევე უწყვეტი და საიმედო გაზმომარაგებითვის."

ფოტო: თბილისი ენერჯი

ბუნებრივი გაზის მოხმარებასთან დაკავშირებულ ნებისმიერ საკითხზე 24 საათის განმავლობაში შეგიძლიათ დაგვიკავშირდეთ თბილისი ენერჯის ნომერზე 2 40 40 04 ან სწრაფი რეაგირების სამსახურის ნომერზე 114. თქვენ ასევე შეგიძლიათ ისარგებლოთ თბილისი ენერჯის სოციალური ქსელით და ვებგვერდის www.te.ge სპეციალური სწრაფი დისტანციური მომსახურების ღილაკით.