ტოკიოში მდებარე ბიზნესის ნოვატორული უნივერსიტეტის კურსდამთავრებულებს ტრადიციული გამოსაშვები ცერემონია არ ჰქონიათ, თუმცა მათი ღონისძიება ნამდვილად იყო უნიკალური: მოძრავი რობოტების დახმარებით, რომლებიც პლანშეტებით იყვნენ აღჭურვილნი, სტუდენტები ცერემონიას ვირტუალურად დაესწრნენ.

კორონავირუსის მთელ მსოფლიოში გავრცელების გამო უამრავი სკოლა და უნივერსიტეტი დროებით დახურულია, შესაბამისად სტუდენტები თუ მოსწავლეები ონლაინ სწავლებასთან ერთად ცდილობენ დაგეგმილი ღონისძიებები არ ჩაშალონ და ალტერნატიული გზები გამოძებნონ.

28 მარტს გამართულ უნივერსიტეტის დამთავრების აღსანიშნავ ღონისძიებას კი ბიზნესის ნოვატორული უნივერსიტეტის სტუდენტები ონლაინ კომუნიკაციის საშუალება Zoom-სა და თანამედროვე რობოტების დახმარებით დაესწრნენ.

აი, ნახეთ როგორ:

ცერემონია თითქმის მთლიანად ვირტუალური იყო: მას ფიზიკურად მხოლოდ უნივერსიტეტის რამდენიმე წარმომადგენელი ესწრებოდა

ფოტო: BBT

ღონისძიებას სტუდენტები აი, ამ რობოტების საშუალებით დაესწრნენ, რომლის მართვაც დისტანციურადაა შესაძლებელი

ფოტო: ANA Group

რობოტები უნივერსიტეტის გამოსაშვები საღამოსთვის ტრადიციული მანტიებითა და ქუდებით იყვნენ შემოსილი

ფოტო: BBT

კურსდამთავრებულები კი Zoom-ის საშუალებით ადევნებდნენ თვალს ცერემონიას

ფოტო: BBT

როდესაც კურსდამთავრებულის სახელს უნივერსიტეტის პრეზიდენტი გამოაცხადებდა, სტუდენტები სახლებიდან მართული რობოტების საშუალებით სცენაზე ადიოდნენ და დიპლომს იღებდნენ

ფოტო: BBT

ამ გზით უნივერსიტეტმა სტუდენტებს შესაძლებლობა მისცა, სწავლის დასრულების შემდგომ დამსახურებულ ღონისძიებას ისე დასწრებოდნენ, რომ ჯანმრთელობა საფრთხეში არ ჩაეგდოთ

ფოტო: BBT